माजी आमदार राजेश पाटील यांच्या प्रयत्नांना यश…वसई भाताणे-आडणे रस्त्याच्या विकास कामाचे…. भूमिपूजन संपन्न
टाईम्स 9 मराठी न्यूज नेटवर्क पालघर जिल्हा प्रतिनिधी
विजय घरत.भ्रमणध्वनी क्रमांक: 7030516640
लोकनेते माजी आमदार हितेंद्र ठाकूर व माजी आमदार क्षितिज ठाकूर यांच्या मार्गदर्शनाखाली तसेच माजी आमदार राजेश पाटील यांच्या अथक प्रयत्नाने MMRDA कडून मंजूर करण्यात आलेल्या भाताणे-आडणे रस्त्याच्या विकासकामाचे भूमिपूजन भाताणे येथील तलाव परिसरात मोठ्या उत्साहात पार पडले.
गेल्या अनेक वर्षांपासून खराब स्थितीत असलेल्या या रस्त्याचे काम भाताणे नवसई येथील नदीपासून गावापर्यंत डांबरीकरण, तसेच तलावाच्या पुढे सिमेंट काँक्रिटीकरण असे दोन टप्प्यांत होणार आहे. हा रस्ता यापूर्वी PMGSY विभागाच्या अखत्यारीत असल्याने दुरुस्तीला विलंब होत होता. मात्र, माजी आमदार राजेश पाटील यांनी MMRDA विभागाशी सतत पत्रव्यवहार व पाठपुरावा करून रु. ६ कोटी निधी मंजूर करून आणला, अशी माहिती त्यांनी आपल्या भाषणात दिली.
यासोबतच, पुढील टप्प्यात आडणे ते कळभोण रस्त्यासाठी रु. १२ कोटींचा प्रस्ताव मंजुरीसाठी पाठवला असल्याचेही त्यांनी सांगितले. या रस्त्याच्या कामाला प्रत्यक्ष सुरुवात होत असल्याने परिसरातील नागरिकांमध्ये आनंदाचे वातावरण आहे.
या भूमिपूजन सोहळ्याला माजी आमदार राजेश पाटील, वसई पंचायत समितीचे सभापती अशोक पाटील, सरपंच हितेश बाडगा, उपसरपंच हेमराज कासार, कृषी उत्पन्न बाजार समितीचे संचालक प्रणय कासार, माजी सभापती सुगंधा जाधव, माजी जिल्हा परिषद सदस्या रंजना सायरे, तसेच ग्रामपंचायत सदस्य योगेश कुडू, सुदाम कुडू, अशोक कुडू, सुभाष कासार, सुभाष पाटील, भाऊ काका, सलीम शेख, रूपेश पागी,संजय कासार, रवी कासार, मोरेश्वर जाधव यांच्यासह अनेक मान्यवर उपस्थित होते.
