माळीनगर-संग्रामनगर येथील जिल्हा परिषद प्राथमिक शाळेत ७६ वा प्रजासत्ताक दिन उत्साहात संपन्न
माळीनगर प्रतिनिधी रियाज मुलाणी
माळीनगर येथील संग्रामनगर शाळेत ७६ वा प्रजासत्ताक दिन मोठ्या उत्साहात व देशभक्तीपर वातावरणात साजरा करण्यात आला. या राष्ट्रीय कार्यक्रमाचे ध्वजारोहण माळीनगर गावचे सरपंच अनुपमा अनिल एकतपुरे यांच्या शुभहस्ते व ग्रामपंचायत सदस्य अभिजीत वजाळे, लक्ष्मण डोईफोडे, पत्रकार रियाज मुलाणी,महिला सदस्य चांदणी वजाळे, शांताबाई गेजगे ,रूपाली तूपसौंदर्य,शाळेचे मुख्याध्यापक युनुस तांबोळी,शाळा व्यवस्थापन समितीच्या अध्यक्ष पुजा लोखंडे,उपाध्यक्ष लखन जावीर,यांच्या उपस्थितीत संपन्न झाले.
प्रारंभी सर्व उपस्थित मान्यवरांचे स्वागत करण्यात आले यावेळी प्रमुख पाहुण्यांच्या हस्ते ध्वजारोहण करण्यात आले.यावेळी राष्ट्रगीत, ध्वजगीत,महाराष्ट्र गीत सादर केले, यावेळी विद्यार्थ्यांची भाषणे देखील झाली,कार्यक्रमाचे पाहुणे व माळीनगर ग्रामपंचायतचे सदस्य अभिजीत वजाळे यांनी विद्यार्थ्यांना मार्गदर्शन करताना सर्वप्रथम प्रजासत्ताक दिनाच्या शुभेच्छा दिल्या यावेळी संविधानाचे महत्त्व सांगून देशाचे सुजाण नागरिक होण्यासाठी संविधानाचे तत्व अंगी बाळगावे शिक्षकांनी विद्यार्थ्यांच्या कलागुणांची ओळख करून त्यांना प्रोत्साहन द्यावे असा सल्ला दिला यावेळी सादर केलेल्या कलांचे कौतुक केले. यावेळी शाळेतील विद्यार्थ्यांना अनिल एकतपुरे यांनी दिलेला शैक्षणिक साहित्याचे वाटप मान्यवरांच्या हस्ते करण्यात आले अंगणवाडी शिक्षिका सारिका दळवी यांनी काढलेल्या उत्कृष्ट रांगोळीचे उपस्थित मान्यवरांनी कौतुक केले.
यावेळी सागर गोरे ,धुळदेव चोरुमले, करिष्मा तांबोळी, शिक्षक, शिक्षिका, पालक, विद्यार्थी, व ग्रामस्थ उपस्थित होते.कार्यक्रमाचे सूत्रसंचालन व आभार प्रदर्शन शिक्षक विनोद थोरात यांनी केले.
