सफाळे टेंभिखोडावे ग्रामपंचायत हद्दीतील रमाकांत भोईर यांच्या राहत्या घरावर झाड कोसळल्यामुळे आर्थिक नुकसान
टाईम्स 9 मराठी न्यूज नेटवर्क
पालघर जिल्हा प्रतिनिधी विजय घरत.भ्रमणध्वनी क्रमांक-7030516640.
पालघर जिल्ह्यातील सफाळे टेंभिखोडावे ग्रामपंचायत हद्दीतील एकता नगर येथे राहणारे रमाकांत गणपत भोईर यांच्या राहत्या घरावर सोमवार दिनांक 27 नोव्हेंबर 2023 रोजी सकाळी 10 वाजता संपूर्ण पालघर जिल्ह्यात पडलेल्या अवकाळी पाऊस वाऱ्यामुळे त्यांच्या शेजारी राहत असलेले नाशिक भोईर यांच्या वाड्यातील सुकलेले आंब्याचे जुने झाड घरावर पडल्यामुळे त्यांच्या घराच्या छताचे पत्रे फुटून घरातील वस्तूंचे आर्थिक नुकसान झाले आहे.
घटनास्थळी टेंभिखोडावे ग्रामपंचायतीच्या नवनिर्वाचित सरपंच सौ.शोभा पाटील व उपसरपंच धनेश गावड तसेच ग्रामपंचायत सदस्य महादेव गावड यांनी भेट यांनी भेट दिली असून घटलेल्या घटनेचा अहवाल ग्रामपंचायतीच्या मार्फत जलसार तलाठी सजा उज्वला पाटील यांना देऊन या घटनेचा पंचनामा करण्याची मागणी ग्रामपंचायत मार्फत करून या गरीब कुटुंबाला शासनाकडून आर्थिक सहाय्य त्वरित मिळवून देण्यासाठी टेंभिखोडावे ग्रामपंचायततीच्या नवनिर्वाचित सरपंच सौ.शोभा पाटील व उपसरपंच धनेश गावड यांनी शासनाकडे आर्थिक नुकसान भरपाईची मागणी केली आहे.
