जीवनात यशस्वी व्हायचं असेल तर शिवचरित्र वाचा,शिवविचार आत्मसात करा.- डॉ.विश्वनाथ आवड

अकलूज प्रतिनिधी शकुर तांबोळी

शिक्षण प्रसारक मंडळ, अकलूज संचलित
महर्षि संकुल,यशवंतनगर,महर्षि शंकरराव मोहिते प्रशाला,लक्ष्मीबाई कन्या प्रशाला,महर्षि शंकरराव मोहिते प्रशाला प्राथमिक विभाग यांच्या संयुक्त विद्यमाने हिंदवी स्वराज्याचे संस्थापक छत्रपती शिवाजी महाराज यांची जयंती अत्यंत उत्साहाच्या वातावरणात साजरी करण्यात आली.

कार्यक्रमासाठी युवा नेते सयाजीराजे संग्रामसिंह मोहिते पाटील,नितीन खराडे सभापती,महर्षि शंकरराव मोहिते प्रशाला,यशवंतनगर,संजय गळीतकर,मुख्याध्यापक, महर्षि शंकरराव मोहिते प्रशाला,यशवंतनगर, सौ.सविता गायकवाड,मुख्याध्यापिका, लक्ष्मीबाई कन्या प्रशाला,यशवंतनगर,शिवाजी पारसे,मुख्याध्यापक, महर्षि शंकरराव मोहिते प्रशाला प्राथमिक विभाग हे मान्यवर उपस्थित होते.

छत्रपती शिवाजी महाराज यांची 393 वी जयंती निमित्त मान्यवरांच्या हस्ते प्रतिमापूजन करून त्यांच्या प्रतिमेेस त्रिवार वंदन करण्यात आले.कार्यक्रमाचे प्रास्ताविक संजय गळीतकर, मुख्याध्यापक, महर्षि शंकरराव मोहिते प्रशाला यांनी केले.महर्षि शंकरराव मोहिते प्रशाला प्राथमिक विभाग,विद्यार्थिनी कु.सिद्धी वाघ,महर्षि शंकरराव मोहिते प्रशाला,विद्यार्थी मयूर मोरे,विद्यार्थिनी आराध्या चुंगे यांनी शिवचरित्र याविषयी आपले मनोगत व्यक्त केले.यावेळी बोलताना त्यांनी छत्रपती शिवराय यांनी निर्माण केलेले हिंदवी स्वराज्य याविषयी माहिती दिली.

कार्यक्रमाचे प्रमुख पाहुणे आणि व्याख्याते डॉ.विश्वनाथ आवड यांनी शिवचरित्र विषयी आपले विचार व्यक्त केले त्यांनी छत्रपती शिवराय यांच्या मोहिमेतील निवडक किस्से याबाबत विद्यार्थ्यांना मार्गदर्शन केले.तसेच पन्हाळा येथील वेढा,आग्रा कैद,शायिस्तेखान वरील लाल महाल येथील हल्ला,अफजलखान भेट या मोहिमांसाठी शिवरायांचा असणारा व्यापक दृष्टिकोन,संघटन चातुर्य,उत्तम नियोजन कशा प्रकारे होते याविषयी माहिती दिली.जीवनात यशस्वी व्हायचं असेल तर शिवचरित्र वाचा, शिवविचार आत्मसात करा असे आवाहन त्यांनी विद्यार्थ्यांना केले.

छत्रपती शिवाजी महाराज यांची जयंती निमित्त बक्षिस वितरण सोहळा संपन्न झाला.विविध शालेय उपक्रमात व स्पर्धेत यश संपादन केलेल्या विद्यार्थ्यांना प्रमुख पाहुण्यांच्या शुभ हस्ते प्रशस्तीपत्र व स्मृतिचिन्ह देऊन त्यांचा गौरव करण्यात आला.या कार्यक्रमास प्रशाला समिती सदस्य कैलास चौधरी,अनिल जाधव,नितीन इंगवले देशमुख उपस्थित होते.या कार्यक्रमाचे सूत्रसंचालन महर्षि शंकराव मोहिते प्रशालेच्या सहशिक्षिका नाझिया मुल्ला यांनी केले.