​अकलूज येथे २८ मे रोजी साजरी होणार बकरी ईद; नमाजची वेळ आणि नियोजन जाहीर

नौशाद मुलाणी संपादक Times 9 Marathi News Network

अकलूज शहरातील सर्व मुस्लिम बांधवांसाठी एक महत्त्वाची सूचना देण्यात आली आहे. अकलूज शहरात आगामी बकरी ईद (ईद-उल-अजहा) साजरी करण्यासंदर्भात नुकतीच एक बैठक पार पडली. या बैठकीत सर्वानुमते ईदचे नियोजन आणि नमाजची वेळ निश्चित करण्यात आली आहे.

​या नियोजनानुसार, अकलूज शहरात गुरुवार, दिनांक २८ मे २०२६ रोजी बकरी ईद साजरी केली जाणार आहे. ईदच्या नमाजचे वेळापत्रक खालीलप्रमाणे असेल

​नमाज आणि जमातीचे वेळापत्रक:
​सकाळी ७:३० वाजता: ईदच्या नमाजसाठी मुख्य जमात काझी मोहल्ला, अकलूज येथून निघेल आणि ईदगाह मैदानाकडे रवाना होईल.
​सकाळी ८:१५ वाजता: ईदगाह मैदानावर अजान दिली जाईल.
​सकाळी ८:३० वाजता (ंतंतोतंत): ईदगाह मैदानावर बकरी ईदच्या नमाजची जमात (नमाज) सुरू होईल.

​या वर्षी ईदच्या नमाजची संपूर्ण जबाबदारी मदिना मशीद (काझी मोहल्ला) यांच्याकडे असून, मदिना मशिदीचे मुख्य इमाम हेच ईदची नमाज पढवणार आहेत.

​आवाहन: तरी अकलूज शहरातील सर्व मुस्लिम बांधवांनी वेळेचे काटेकोर पालन करून, सकाळी ठीक ८:३० वाजण्यापूर्वी ईदगाह मैदानावर उपस्थित राहावे, अशी नम्र विनंती आयोजकांच्या वतीने करण्यात आली आहे.