पालघर जिल्ह्याचे पालकमंत्री रवींद्र चव्हाण यांच्या उपस्थित डहाणू येथे भाजपा महायुतीच्या पदाधिकारी व कार्यकर्त्यांची बैठक संपन्न
टाईम्स 9 मराठी न्यूज नेटवर्क पालघर जिल्हा प्रतिनिधी विजय घरत. भ्रमणध्वनी क्रमांक :7030516640
पालघर जिल्ह्यातील डहाणू विधानसभा मतदारसंघातील भाजपा महायुतीचे अधिकृत उमेदवार विनोद सुरेश मेढा यांचा प्रचार मार्गदर्शन आणि पक्षातील सर्व पदाधिकारी कार्यकर्ते यांची विविध विषयावरील मार्गदर्शन बैठक शुक्रवार दिनांक 15 नोव्हेंबर 2024 रोजी डहाणू येथे पालघर जिल्ह्याचे पालकमंत्री रवींद्र चव्हाण यांच्या उपस्थितीत पार पडली.
यावेळी मोठ्या संख्येने उपस्थित डहाणू जिल्हा परिषद गटाच्या भाजपा महायुतीचे पदाधिकारी कार्यकर्ते यांना पालघर जिल्ह्याचे पालकमंत्री रविंद्र चव्हाण यांनी निवडणुकीच्या अनुषंगाने डहाणू विधानसभा मतदारसंघातील भाजपचे अधिकृत उमेदवार विनोद मेढा यांचा प्रचार मार्गदर्शन व निवडणूक विषयी महत्वाचा विषयावर चर्चा करून माहिती देऊन मार्गदर्शन केले.
यावेळी उपस्थित भाजपा महायुतीच्या सर्व पदाधिकारी व कार्यकर्त्यांनी एकजुटीने विनोद मेढा यांना निवडून आणून विजयी करण्याचा संकल्प केला.ही बैठक डहाणू येथे पालघर जिल्हाचे पालकमंत्री रवींद्र चव्हाण यांच्या उपस्थितीत पार पडली यावेळी पालघर जिल्हा भाजप अध्यक्ष भरत राजपूत, भाजप महायुतीचे अधिकृत उमेदवार विनोद सुरेश मेढा आणि या भागातील भाजप महायुतीचे पदाधिकारी आणि कार्यकर्ते मोठ्या संख्येने उपस्थित होते.
