टाईम्स 9 मराठी न्युज नेटवर्क
रत्नागिरी: नवी दिल्लीच्या रस्ते वाहतूक व महामार्ग मंत्रालयाच्या आदेशानुसार ३५वे राष्ट्रीय रस्ता सुरक्षा अभियान २०२४ चे आयोजन केले आहे. या अभियानांतर्गत सोमवारी (ता. २६) उपप्रादेशिक परिवहन कार्यालय, जिल्हा वाहतूक शाखा व शिर्के प्रशालेतर्फे वॉकेथॉन रॅलीचे आयोजन केले आहे. वॉकथानामध्ये सहभागी होण्यासाठी २६ ला सकाळी ८ वाजण्यापूर्वी शिर्के हायस्कूल येथे उपस्थित राहावे, कार्यक्रम हा वाहतूक नियम व रस्ते सुरक्षा या महत्वाच्या विषयावर आधारित आहे. त्यामुळे जिल्ह्यातील सर्व वाहन वितरक, मोटार ट्रेनिंग स्कूल, संघटना प्रतिनिधी, जिल्ह्यातील सर्व रिक्षाचालक-मालक संघटना, प्रतिनिधी, जिल्ह्यातील सर्व पीयुसी केंद्र चालक, असोसिएशन प्रतिनिधी, जिल्ह्यातील सर्व विद्यार्थी वाहतूक संघटना प्रतिनिधी, जिल्ह्यातील नागरिकांनी या रॅलीमध्ये बहसंख्येने सहभागी व्हावे, असे आवाहन उपप्रादेशिक परिवहन अधिकारी जयंत चव्हाण यांनी केले आहे.
