‘माणुसकीची दिवाळी’ राष्ट्रीय, सामाजिक कल्याण एवं मानव संरक्षण संघाकडून गोरगरिबांना वस्त्रदान
टाईम्स 9 मराठी न्यूज नेटवर्क
अकलूज: राष्ट्रीय, सामाजिक कल्याण एवं मानव संरक्षण संघाच्या वतीने दिवाळीच्या पाडव्या सणाच्या (दिनांक २२/१०/२०२५) निमित्ताने अकलूज शहरातील गोरगरीब आणि भटकंती करणाऱ्या गरजू लोकांना नवीन कपड्यांचे वाटप करून ‘माणुसकीची दिवाळी’ साजरी करण्यात आली.
सामाजिक कल्याण एवं मानव संरक्षण संघ वर्षभर विविध सामाजिक उपक्रम राबवत असून, समाजातील गोरगरीबांवरील अन्याय-अत्याचाराविरोधात नेहमी आवाज उठवतो. यासोबतच, शासन व शासकीय यंत्रणेकडून होणाऱ्या मानवी हक्कांचे आणि मानवाधिकारांचे उल्लंघनावरही ही संस्था सातत्याने काम करत आहे. या संस्थेने अनेक गोरगरीब, पीडित आणि अन्याय-अत्याचार झालेल्या लोकांना शासन दरबारात कायदेशीर पाठपुरावा करून न्याय मिळवून दिला आहे.
नेतृत्व व उपस्थिती:
हा उपक्रम संस्थेचे मार्गदर्शक राष्ट्रीय अध्यक्ष राजेश भाई कुंभारे व राष्ट्रीय उपाध्यक्ष तेजस भाई परमार यांच्या मार्गदर्शनाखाली आयोजित करण्यात आला.
यावेळी पश्चिम भारत अध्यक्ष अमोल बाळासाहेब माने यांच्या नेतृत्वाखालील टीम उपस्थित होती.
कार्यक्रमास उपस्थित मान्यवर:
- अमोल बाळासाहेब माने (पश्चिम भारत अध्यक्ष)
- रोहित टेके (संग्राम नगर शहर विभाग अध्यक्ष)
- मोहन पालखे (जेष्ठ नागरिक)
- शुभांगीताई मोरे (सोलापूर जिल्हा महिला अध्यक्षा)
- अश्विनीताई पांढरे (सोलापूर जिल्हा महिला उपाध्यक्षा)
- वंदनाताई तिकोटे (माळशिरस तालुका महिला अध्यक्षा)
संघाच्या या स्तुत्य उपक्रमामुळे गरजूंना दिवाळीचा आनंद मिळाला, तसेच सामाजिक बांधिलकीचे दर्शन घडले.
